Vieiros

Esta compañeira tivo tres sentenzas: foi despedida en xullo de 2008 estando de baixa, o Xulgado do Social declara o despido improcedente e o rexidor opta pola indemnización; en xullo do 2009 o TSXG declara o despido como nulo e ordea readmitila; incorporouse en outubro de 2009, mais considera que se lle impide facer correctamente o seu traballo e denunciao, o Xulgado do social deulle a razón en xaneiro e ordea correxir a situación.

 Esta é unha reseña do que edita La Voz de Galicia, no que tamén recolle a opinión do edil socialista, Eulogio Fernández, como “acoso laboral sin precedentes”.

 Ante esta noticia, non sei se por falla de información ou por sesgada, lembrarlle á sociedade que non é así, polo seguinte:
Que eu coñeza hai unha primeira acosada no concello de Porriño, que viviu unha situación denigrante, sendo o alcalde o Sr. Barros, do PP.

Outra no concello de O Carballiño, cun alcalde do PsdG- PSOE .

Outra no concello de Dozón (Pontevedra) con 32 sentenzas gañadas en todas as instrucións: contencioso- administrativo, social, 1ª instancia e instrucción, TSXG, Audiencia Provincial de Pontevedra e Penal. E outras institucións como O Valedor do Pobo, Inspección Provincial de Traballo e Seguridade Social, etc., sendo o alcalde do PP.

    Fìcame por dicir que é un grande cinismo a expresión “un acoso laboral sin precedentes”; xa que teño constancia que igual que cando gobernaba o PP en maioria absoluta, como no goberno bipartito PsdG- PSOE e BNG, todos tiñan coñecemento do “Dozóngate”, de feito leváronno por activa e pasiva ao Parlamento Galego e nunca actuaron, mais que para o público, cecais para “captar” votos.

Isto, amósame unha vez mais que a partitocracia non é a democracia.

 Toda a miña solidariedade á compañeira e a todas e todos os “anónimos” que están a sufrir estas situacións subrealistas e inhumanas.

O Carballiño, 18 de febreiro de 2010








Asdo.: Ana T. Lois Navaza
Ex- funcionaria do concello de Dozón e pensionista de incapacidade permanente total  de accidente de traballo “por acoso laboral”